विविध

(३) यस संस्थाले प्रदान गर्ने पुरस्कारहरूको विवरण : 

(क) “मुडभरी साहित्य पुरस्कार”  

वि.सं २०७६ सालमा स्थापना भएको यो पुरस्कार सुदूरपश्चिम प्रदेश भित्र बसोवास गर्ने साहित्य प्रेमी एवम् कलमजीवीहरूको रचना तथा कृतिको मुल्याङ्कन गरी “मुडभरी साहित्य पुरस्कार” प्रदान गरिनेछ । यो पुरस्कार प्रत्येक वर्ष पुस्तकालयले आयोजना गर्ने विशेष समारोहमा एकजना साहित्यकारलाई पुरस्कार राशी रू.११,१११/– नगद, दोसल्ला तथा सम्मानपत्र सहित पुरस्कृत गरिने व्यवस्था गरिएको छ ।

(ख) “गणेश/शारदा स्मृति लोक साहित्य पुरस्कार” 

वि.सं २०७७ सालमा स्थापना भएको यो पुरस्कार डोटेली लोकसाहित्य तथा लोकसंस्कृतिको संरक्षण/सम्वर्धन र विकासमा महत्वपूर्ण योगदान पुर्याउँने व्यक्ति मध्येबाट प्रत्येक वर्ष १ जनालाई “गणेश/शारदा स्मृति लोक साहित्य पुरस्कार ” बाट पुरस्कृत गरिने छ । यो पुरस्कार प्रत्येक वर्ष पुस्तकालयले आयोजना गर्ने विशेष समारोहमा एक जना महानुभावलाई पुरस्कारको राशी रू.५,००५ /–  नगद, दोसल्ला र सम्मानपत्र सहित प्रदान गरिने छ ।